«дарахт кесилиши» тегли мақолалар
Деновда йўл қуриш учун минглаб дарахтларни кесиш масаласи яна кун тартибига чиқди
2023 йил июлида Эковазирлик рад жавобидан кейин Сурхондарё ва Бухородаги автомобиль йўли қурилишида ўн минглаб дарахт кесилиши тўхтатиб қолинганди. Вазирлик «инсон ҳаёти хавфсизлигини таъминлаш нуқтаи назаридан» лойиҳани амалга ошириш масаласи ҳукумат комиссиясида кўриб чиқилаётганини маълум қилди.
Тошкентдаги Шевченко кўчаси реконструкциясида ёш дарахт қўпорилди, бошқаларининг илдизларига зарар етди
«Газета.uz» нашрига ўқувчидан Тошкентдаги Тарас Шевченко кўчаси реконструкциясида дарахт илдизи қўпорилгани ҳақида хабар келиб тушди. Видеодан кўриниб турибдики, баъзи жойларда экскаватор ковши ерни дарахт танасига яқин жойдан чопган. Эковазирликка кўра, экоинспекция ходимлари ҳолатни ўрганмоқда.
Самарқандда қурилиш компанияси 31 туп дарахтни кесиб ташлагани аниқланди
Самарқанд шаҳридаги боғчада қўшимча бино қуриш вақтида 30 туп қимматбаҳо, 1 туп кам қимматли дарахтни кесиб ташлаган корхона табиатга 260 млн сўм зарар етказгани маълум бўлди. Тегишли ҳужжатлар ҳуқуқни муҳофаза қилувчи органларга юборилди.
Самарқанддаги қурилиш майдонида қимматбаҳо дарахтлар кесиб ташланди
Самарқанд шаҳридаги қурилиш майдонида 4 туп қимматбаҳо ва 1 туп кам қимматли дарахтлар илдиз қисми билан қазиб ташлаб, йўқ қилинди. Ҳолат бўйича тегишли ҳужжатлар расмийлаштирилиб, қонуний чора кўриш учун ҳуқуқни муҳофаза қилувчи органларга тақдим этилди.
Фарғонадаги қабристонда 62 туп дарахт ободонлаштириш ходимлари томонидан кесиб ташлангани аниқланди
Қува туман туманидаги қабристондаги 62 туп арча дарахти туман ободонлаштириш бошқармаси ходимлари томонидан ўзбошимчалик билан остидан кесиб ташлангани аниқланди. Ҳолат бўйича жиноят иши қўзғатилди.
Ўзбекистонда дарахтларни кесиш учун жарима миқдори сезиларли даражада оширилди
Шавкат Мирзиёев дарахтларни кесиш учун жарима миқдорини 5 баробарга оширувчи қонунни имзолади. Ҳар бир кесилган дарахт ўрнига 100 тупдан кўчат экиш мажбурияти, юридик шахсларга 102 миллион сўмгача алоҳида жарималар белгиланди. Президент аввалроқ жарима миқдори пастлиги сабабли қонунни рад этган эди.
Қашқадарёда 20 дан ортиқ бута ва дарахтни ноқонуний кесган ҳоким ёрдамчиси жаримага тортилди
Яккабоғ туманида ҳоким ёрдамчиси 20 та наъматак бутаси ва 5 та олча дарахтини ноқонуний кесиши оқибатида табиатга 9 млн 350 минг сўм зарар етди. У жами 12,7 млн сўм товон тўлайдиган бўлди.
Тошкент туманида 85 туп қимматбаҳо навли ноёб ёнғоқ дарахти кесиб ташлангани аниқланди
Тошкент туманидаги манзарали боғдорчилик ва ўрмон илмий-тажриба хўжалиги ҳудудидаги 85 туп қимматбаҳо навли ноёб ёнғоқ дарахтлари кесиб ташлангани, дарахтларнинг 103 тупи эса масъулиятсизлик сабаб қуриб қолишига олиб келингани аниқланди.
Тошкент ва Фарғона вилоятларида 4 туп чинор кесиб кетилди
Тошкент вилоятида 3 туп ўсиб турган чинор кесиб кетилди. Оқибатда табиатга 148,7 млн сўм зарар етказилган. Ҳолат юзасидан жиноят иши қўзғатилди. Фарғона шаҳрида эса 1 туп кўп йиллик чинор кесиб ташланган. Ҳуқуқбузарларни ва зарар миқдорини аниқлаш ишлари олиб борилмоқда.
2023 йилнинг 9 ойида дарахтларни ноқонуний кесиш билан боғлиқ 2500 га яқин ҳолат қайд этилди
Ўзбекистонда январь-сентябрь ойларида дарахтларнинг ноқонуний кесилиши билан боғлиқ 2427 та ҳуқуқбузарлик аниқланди. Шунингдек, Қизил китобга киритилган ўсимликлар йиғиб олиниши ва ўрмон фонди ер участкаларини ижарага бериб юбориш ҳолатлари қайд этилмоқда.
Чилонзор туманида 30 га яқин қуриган кўп йиллик дарахт кесиб ташланди
Тошкентнинг Чилонзор туманида қуриган 29 туп дарахт кесиб ташланди. 2021 йил баҳорида «ободонлаштириш» доирасида ушбу ҳудуддаги 55 туп дарахт тагига полиэтилен плёнка тўшалиб, керамзит сепилганди. Оқибатда 33 та дарахтда қуриш белгилари аниқланган.
Андижонда 3 туп чинорни кесганларнинг озодлиги 2 йилга чекланди
Избоскан туманида 2 фуқаро «хонадонига хавф туғдираётгани ва қурилиш ишларига халал бергани учун» 3 туп ғарб чинори дарахтини кесганди. Суд уларга 131,4 млн сўмлик зарарни қоплаш билан бирга 2 йил муддатга озодликни чеклаш жазосини тайинлади.
Бухорода муҳофаза ҳудудидаги 125 туп дарахт кесиб ташланди, табиатга 1,7 млрд сўмлик зарар етди
Пешку туманидаги муҳофазага олинган ҳудудда 125 туп дарахт (102 тупи қимматбаҳо) ноқонуний кесилди. Табиатга 1,7 млрд сўмдан ортиқ зарар етказилган. Ҳолат бўйича жиноят иши қўзғатилди.
Тошкентда қурилиш компанияси 10 туп дарахтни қасддан қуритди
Мирзо Улуғбек туманида қурилиш компанияси 10 туп дарахтнинг қуриб қолишига сабабчи бўлди. Аввалроқ экология бошқармаси майдондаги 30 туп дарахтни хатловдан ўтказиб, уларга зарар етказмаслик ҳақида огоҳлантирганди. Табиатга 248 млн сўм зарар етган.
Президент дарахтларни кесганлик учун янги жарималар тўғрисидаги қонунни рад этди
Ўзбекистон президенти дарахтларни ноқонуний кесганлик учун жазони кучайтириш бўйича парламент томонидан қабул қилинган қонунни рад этди. Ҳужжат жарималар миқдори кам бўлгани туфайли рад этилган бўлиши мумкин.
Юнусободда тадбиркор икки чинорни кестириб ташлади
Тошкент шаҳар Юнусобод туманида мебель ишлаб чиқариш билан шуғулланувчи тадбиркор икки дона чинор дарахтини кестириб ташлади. Оқибатда табиатга 204 млн 105 минг сўм зарар етказилди.
«Рад жавоби берилган». Экология вазирлиги Сурхондарё ва Бухорода ўн минглаб дарахт кесилиши ҳақида
Экология вазирлиги Сурхондарё ва Бухорода 50−70 минг атрофида дарахтни кесишга рухсат бериш бўйича мурожаат келиб тушгани, бироқ бунга рад жавоби берилганини маълум қилди. Ҳокимликларга юборилган жавоблардан сўнг Бухородаги қурилиш компанияси вакиллари лойиҳани ўзгартиришларини билдирди.
Сурхондарё ва Бухорода 70 мингга яқин дарахт кесилиши мумкин. Жамоатчилик норози
Сурхондарё ва Бухоро вилоятларида қуриладиган автомобиль йўли сабаб 70 мингга яқин дарахт кесилиши мумкин. Лойиҳа ҳужжатлари ҳукуматга топширилгани айтилмоқда. Жамоатчилик бундан норози бўлса, Экология вазирлиги ҳар икки вилоятда одамлар фикри эшитилишини билдирмоқда.
Фарғонада 1213 туп дарахт кесиб ташлангани аниқланди
Бош прокуратура томонидан Фарғона вилоятида Катта Андижон канали қирғоғида ўсиб турган 1213 туп дарахт январь-февраль ойларида кесиб ташлангани, бунинг оқибатида табиатга 4,6 млрд сўм зарар етказилгани аниқланди.
Йил бошидан буён дарахтларни кесишдан кўрилган зарар 3,6 млрд сўмни ташкил этди
Ўзбекистонда йилнинг биринчи ярмида 2 мингдан ортиқ дарахт ва буталарни ноқонуний кесиш ҳолатлари аниқланди. Табиатга етказилган зарар 3,6 млрд сўмни ташкил этмоқда.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг